Sarrera

Kirol egokituko taldes / Equipo de deporte adaptado

Argazkia: Kirol egokituko taldea

Lasarte-Oriako Ostadar Saiarre Kirol Taldearen barnean, kirol egokituko saila sortu da. Helburua, urritasun ezberdinak dituzten pertsonen kirol parte hartzea sustatzea da, kirol praktika barneratzaile bat bultzatuz guztiek tokia izan dezaten. Sail hau 2016ko abuztuan sortu zen, Jurgi Olasagasti eta Amaia Cadarso teknikariei esker, aukera berriak eskainiz, kirolaren ikuspegi zabalago bat aurrera eraman asmoz. Honela, kirol egokitua elkarte baten barnean normalizatzea lortu da, kirol praktika zabala eginez Ostadarren dauden beste atalekin elkarlanean.

Urritasun ezberdinak dituzten pertsonei lehentasuna emanez, baina urritasunik gabeko pertsonak barne hartuz, kirol praktika anitza bultzatu nahi da. “Multikirol” kontzeptu aberatsa, gure kirol filosofiaren ardatz izango dugu.

HELBURUAK:

  • Urritasuna duten pertsonei kirola edo eta jarduera fisikoa eskaintzea.
  • Kirol egokituaren ezagutza eta normalizazioa bultzatzea.
  • Kirol parte hartze barneratzailea izatea.
  • Kirol aukera ezberdinak eskaintzea.
  • Aisialdiko kirol eskola zabaltzea.
  • Errendimenduko kirol ibilbidea sortzea.