ANARA MARTÍN, BOCCIako ESPAINIAKO TXAPELDUNA!!!

Joan den asteburuan, gure kirolaria den Anara Martín Lluch-ek urrezko domina eskuratu zuen BC2 kategorian, Granadan jokatutako 2026ko Gazteen Bocciako Espainiako Txapelketan.

Anarak duela sei hilabete eskas hasi zuen diziplina hau praktikatzen, eta maila nazionaleko bere lehen lehiaketan estreinatu zen. Lehen partida estu galdu zuen, 3–2 emaitzarekin, Valentziako Paula Rábenaren aurka, 2025eko txapeldunorde izan zenaren kontra. Hasierako urduritasunak gainditu ondoren, multzoen faseko bigarren partidan garaipena lortu zuen iazko txapelduna den Donovan Razaren aurka. Partida oso parekatua izan zen (2–2), eta berdinketa hausteko zatian Anararen alde erabaki zen. Finalerako sailkatu ondoren, berriro Paula Rábenaren aurka aritu zen, eta urrezko dominaren lehian ez zion aukerarik eman, 5–1eko emaitza sendoarekin nagusituz.

Bestalde, Markel Uzquianok bere sailkapen onena berdindu zuen Espainiako txapelketa batean, BC1 kategorian 5. postu bikaina lortuta. Multzoen faseko hiru partidetatik bi irabazi ondoren —eta kategoriako lau aldiz txapeldun izan den Madrilgo Ismael Muñoz 9–6ko emaitza garbiarekin menderatuta—, finalerdietarako play-off partida jokatu zuen Sevillako Rafa Gonzálezen aurka. Azken hau nagusiago agertu zen eta 4–1eko emaitzarekin gailendu zen. Hala ere, Markelek jarrera aparta erakutsi zuen, lehiakide bikaina dela frogatuz; azken zatia irabazi zuen eta berdinketa hausteko aukera emango zioten hiru bolarekin jokatu zuen. Azkenean ezin izan zen eta kanporatuta geratu zen.

Bi emaitza bikain horiei esker, OSTADAR SKT-k hirugarren postua lortu zuen kluben sailkapen orokorrean, Madrilgo Fundación Ana Valdividia-rekin berdinduta, eta Ostadarreko bocciak etorkizun oparoa duela berresten du horrek.

ZORIONAK EKIPO!!