Inicio » Bertsotan

Lauki luzea erdi erditik

sareak erdibitua.

Marra zuzenez osaturiko

zelai simetrikua.

Munduan zehar ospetsua den

kirol bedeinkatua.

Aurrez aurre aurkakua.

Raketa beharrezkua. (bis)

Pelotatxoa sartu ala ez

horretan datza jokua,

tenisa dela konturatzeko

ez al da nahikua? (bis)

To, to, to, ap… plok!, sake bortitza

txo, perfekzioz apaina.

Ez dakit nola, posible al da

bueltatu du alajaina!

Pelota gora harrotua dit

ikuturik zeru gaina.

Nere esmatxa bikaina.

Ozta erantzun du, baina. (bis)

Pikardiazko dejadatxoak

zimurtu dio bekaina,

korrika honuntz, ziztu bizian

pelotak haruntz engaina (bis)

Ezaugarriak azaltzekotan

giro polita dagoela.

Harremanetan alaitasuna

ezin ukatu inola.

Ama euskara erabiltzea

erabat zaigu axola.

Eta erakutsi nola!

Hola, holaxe, ta hola. (bis)

Ahalegina eta ondo pasa

sakoneko parabola.

Azken puntuan gure izena

Ostadar Tenis Eskola.