Atletismoko Sub23 Espainiako txapelketan parte hartuko dugu

Naroa Furundarenak Valentziako Luis Puig belodromoan jokatuko den Atletismoko 23 urtez beherakoen txapelketan parte hartuko du asteburu honetan, otsailaren 13an eta 14an.

Pandemia dela eta, Espainiako Atletismoko Federazioak (RFEA) onartutako parte-hartzaileen kopurua murriztu du, 8 atleta bakarrik joan daitezke (joan den uztailaren 1etik orain arte marka onenak lortu dituztenak). Hori dela eta, Maider Recondo, 9. postuan sailkatua, txapelketatik kanpo geratu da.

Naroa Furundarena bi probatan sailkatu da (luzeran eta jauzi hirukoitzean), hori lortu duen atleta gipuzkoar bakarra izan da.

Hirukoitzean 4. postuan sailkatuta dago eta domina eskuratzeko aukera handiak ditu, marka errepikatzea lortzen badu. Luzera aldetik, zailagoa da podiumera igotzea, baina bere forma fisikoa kontuan hartuta, lana emango die gainerako parte-hartzaileei. Podiumera iristen saiatzeaz gain, jauzi hirukoitzean bere marka hobetzen saiatu beharko luke, 8 atleta onenen artean sartu eta hurrengo asteburuan Madrilen jokatuko den txapelketan parte hartu ahal izateko.

RFEAren webgunean lehiaketa streaming bidez jarraitzeko esteka egongo da.