Arauak

Korrikalari adiskidea:

OSTADAR S.K.T.-k atsegin handiz gonbidatzen zaitu urriaren 25ean, goizeko 10:30ean, Lasarte-Oria Bai! XX. Kros Herrikoian parte hartzera.

Izen-ematea zabalik dago www.ostadarskt.eus edo www.sailkapenak.com web orrialdeetan. Manuel Lekuona Kultur Etxeko kafetegian –Geltoki kalea, 18-, berriz, urriaren 13tik 23ra bitartean egin dezakezue.

Dortsalak eta kamisetak batera banatuko ditugu Mitxelingo frontoian. Lasterketa bezperan (11:00etatik 14:00etara eta 16:00etatik 19:30era) eta lasterketa egunean (9:00etatik 10:00etara) izango gara bertan, eta DERRIGORREZKOA DA NANa EDO BESTELAKO AGIRIREN BAT AURKEZTEA.

Korrikalari guztiek…

  • kamiseta teknikoa jasoko duzue.
  • laguntza sanitarioa eta kirol-asegurua izango duzue.
  • arropa uzteko eta dutxatzeko aukera izango duzue.
  • oparien (afariak, kirol materiala, kirol ikuskizunetarako sarrerak) zozketan parte hartuko duzue.

Aurreko edizioetan bezala, nagusien lasterketa amaitzean Lasarte-Oria Bai! XV. Korrika Festa izango da.

  • 5 eta 15 urte arteko neska-mutilek izango dute parte hartzeko aukera. Gipuzkoako Foru Aldundiko Eskola-kiroleko arauak errespetatuz, 5 eta 8 urte bitarteko haurrak Lasarte-Orian erroldatuta egon behar dute.
  • Izena ematen duten haur guztiek izango dute parte hartzeko aukera.

Informazio gehiago eskutitzarekin batera aurkituko duzuen diptikoan edo www.ostadarskt.eus web orrialdean.