LASARTE – ORIA BAI!! ere Kirol Egokituarekin eta Inklusiboarekin

Atzo, 2023ko urriaren 29an, igandea, ez genuen galdu nahi izan Lasarte – Oria Bai!! Korrika Festaren urteroko hitzordu handia, beti bezala, gure OSTADAR S.K.T. klubak antolatua.

Herriko kaleak urdinez eta beltzez tindatu ziren berriro krosaren festa bizitzeko, eta, pandemiagatik eta beste inguruabar batzuengatik urte batzuk kanpoan egon ondoren, han izan zen gure Kirol Egokitua eta Inklusiboa atala, hainbat kirol-modalitatetako (atletismoa, slaloma, boccia eta multikirola) hamaika kirolarik ordezkatuta.

Najlae Bonaaj, Ane Asensio, Ramón Dual, Markel Uzquiano, Wang Qi, Manex Pagola, Aimar González, Simón Ezquiaga, Mikel Estanga, Mikel Legorburu eta Jon Mendozak, Ainhoa, Esteban eta Javi entrenatzaileekin batera, lasterketaren 800 metroetan zehar bildu ziren lasartear guztien berotasuna, animoa eta maitasuna jaso zituzten.

Hemendik, eskerrak eman nahi dizkiegu lasterketaren antolakuntzan parte hartu zuten pertsona eta instituzio guztiei, aisialdia besteen gozamenerako eskuzabaltasunez eskaini zuten boluntarioei, eta, bereziki, gure kirolarien amatxoei eta aitatxoei, haien laguntzarik gabe ez bailitzateke horrelakorik posible izango.

Eskerrik asko guztioi!

GORA OSTADAR!!